Claude Code projectlaringiz — jonli 3D shaharcha

Har bir project — xona, har bir papka — bino, jonli sessiyalar esa shu shaharchada yuradi. To'liq o'z kompyuteringizda ishlaydi.

curl -fsSL https://getdevon.pages.dev/install.sh | bash

Terminal'ga qo'ying

Umumiy ma'lumot

DevOn kompyuteringizdagi Claude Code projectlarini skanerlaydi va brauzerda kichik shaharcha ko'rinishida chizadi.

Butun shaharcha: binolar — papkalar, xonalar — projectlar, faollik lentasi esa har bir sessiya nima qilayotganini ko'rsatadi.

Har bir project — xona: Claude sessiyalari uchun stol, projectning o'z agentlari uchun stollar va mehmonlar uchun uchrashuv stoli. Skills, MCP serverlar va commands kitob javoni, server shkafi va e'lonlar taxtasi bo'lib ko'rinadi.
Har bir papka — bino. Bir nechta project turgan papka koridorli binoga aylanadi; binolar orasida ko'chalar, mashinalar va piyodalar bor.
Lobby — global ~/.claude: global staff agentlar, skills javoni va hooklar.
Live rejim qaysi xonada sessiya ishlayotgani, qaysi tool ishlatilayotgani, subagent qayerga ketgani va kim ruxsat kutayotganini ko'rsatadi.
Tong va tun mavzulari, uch til: o'zbekcha, inglizcha, ruscha.

Xonani bossangiz, uning sessiyalari, agentlari, skills va MCP serverlari ko'rinadi; shu yerdan terminal yoki yangi Claude sessiyasini ochish mumkin.

DevOn faqat 127.0.0.1 da ishlaydi. Kompyuteringizdan tashqariga hech narsa chiqmaydi.

O'rnatish

Bitta buyruq DevOn'ni o'rnatadi, devon buyrug'ini qo'shadi va ishga tushiradi.

curl -fsSL https://getdevon.pages.dev/install.sh | bash

Terminal'ga qo'ying

O'rnatuvchi nima qiladi:

DevOn paketini yuklab oladi va SHA-256 nazorat summasini tekshiradi.
Node.js 20 yoki undan yangisini qidiradi. Topilmasa, ~/.devon/runtime ichiga alohida nusxasini yuklaydi; tizimingiz o'zgarmaydi.
devon buyrug'ini PATH'ga qo'shadi.
DevOn'ni fonda ishga tushiradi va http://127.0.0.1:4777 ni ochadi.

Keyingi safar terminalni ochib, shuni yozing:

devon

Talablar

	Qo'llab-quvvatlanadi
macOS	Intel va Apple Silicon
Linux	x64 va arm64 (glibc distributivlari)
Windows	Windows 10 (1803 yoki yangiroq) va Windows 11
Claude Code	O'rnatilgan va kamida bir marta ishlatilgan (`~/.claude` mavjud bo'lishi uchun)
Brauzer	WebGL'ni qo'llaydigan istalgan zamonaviy brauzer
Node.js	Shart emas. 20+ versiya bo'lsa, o'sha ishlatiladi, bo'lmasa o'zi o'rnatiladi

Qanday ishlaydi

DevOn — kichik lokal veb-server va 3D sahifa. U faqat Claude Code'ning o'z fayllarini o'qiydi; Claude bilan ham, biror tarmoq xizmati bilan ham bog'lanmaydi.

Claude Code fayllari~/.claude, ishlayotgan sessiyalar va project papkalaringiz
DevOn serveri127.0.0.1:4777 dagi lokal jarayon. Har 60 soniyada qayta skanerlaydi va jonli o'zgarishlarni uzatadi
BrauzeringizShaharchani 3D'da chizadi va sessiyalar ishlagan sari yangilaydi

Nima o'qiladi va nima uchun:

Manba	Nima uchun
`~/.claude.json`	Claude Code ishlatilgan projectlar ro'yxati
Skanerlanadigan papkalar	`.claude/` yoki `CLAUDE.md` bor projectlar
`.claude/agents`, skills, MCP, commands	Har bir xona va lobby'dagi stollar va jihozlar
`~/.claude/sessions/*.json`	Hozir qaysi sessiyalar va qayerda ishlayotgani
Hook eventlari (ixtiyoriy)	Ishlatilayotgan tool, subagentlar, ruxsat kutish

O'rnatilgan fayllar:

Yo'l	Ichida nima bor
`~/.devon/app`	DevOn'ning o'zi (yangilanganda almashtiriladi)
`~/.devon/runtime`	Alohida Node.js, faqat tizimda bo'lmagan bo'lsa
`~/.devon/bin/devon`	`devon` buyrug'i
`~/.devon/office.config.json`	Sozlamalaringiz (yangilanganda saqlanadi)
`~/.devon/devon.log`	Server logi

devon buyrug'i

Hammasi bitta buyruq bilan boshqariladi. Argumentsiz yozilsa, devon start bilan bir xil.

Buyruq	Nima qiladi
`devon`	DevOn'ni fonda ishga tushiradi va brauzerda ochadi
`devon stop`	Fondagi serverni to'xtatadi
`devon restart`	To'xtatib, qayta ishga tushiradi
`devon status`	DevOn ishlayotganini ko'rsatadi
`devon open`	DevOn sahifasini brauzerda ochadi
`devon hooks install`	Live hookni yoqadi (tool, subagent, ruxsat kutish)
`devon hooks uninstall`	Live hookni o'chiradi
`devon update`	Eng so'nggi versiyani yuklab o'rnatadi
`devon uninstall`	DevOn'ni to'xtatadi, hookni olib tashlaydi va `~/.devon` ni o'chiradi
`devon version`	O'rnatilgan versiyani chiqaradi
`devon help`	Barcha buyruqlar ro'yxati

Live hook

Sessiyalar hech qanday sozlashsiz ko'rinadi. Tool, subagent va "ruxsat kutyapti" holatlarini ham ko'rish uchun hookni yoqing:

devon hooks install

U Claude Code settings.json fayliga bitta yozuv qo'shadi (avval zaxira nusxa olinadi), boshqa hooklaringizga tegmaydi. Olib tashlash:

devon hooks uninstall

Hook asinxron ishlaydi, hech narsa chiqarmaydi va har doim 0 bilan tugaydi, shuning uchun DevOn o'chiq bo'lsa ham Claude Code ishiga ta'sir qilmaydi. Faqat metadata yuboriladi: event nomi, session id, papka, tool nomi va agent turi. Prompt, tool input va tool output hech qachon yuborilmaydi.

Xona amallari

Xonani bossangiz, panel ochiladi. Amallar bo'limi o'sha project papkasida quyidagilarni ochadi:

Amal	macOS	Linux	Windows
Claude sessiya	Terminal.app	Terminal emulyatoringiz	Yangi konsol oynasi
Terminal	Terminal.app	Terminal emulyatoringiz	PowerShell
Papka	Finder	Fayl menejeri (`xdg-open`)	Explorer
VS Code	`code` yoki VS Code.app	`code`	VS Code

Linux'da grafik sessiya bo'lmasa (SSH, konteyner), oyna ochadigan tugmalar o'chiq bo'ladi; DevOn'ning qolgan qismi ishlayveradi.

Sozlash

DevOn sozlashsiz ishlaydi. Nima skanerlanishini o'zgartirish uchun ~/.devon/office.config.json faylini yarating:

{
  "scanRoots": ["~/Projects", "~/work"],
  "exclude": ["~/Projects/archive"]
}

Kalit	Ma'nosi
`scanRoots`	Projectlar qidiriladigan papkalar. Default'larni almashtiradi (`~/Projects`, `~/code`, `~/dev`, `~/src`, ...)
`exclude`	Xona bo'lmaydigan qo'shimcha yo'l prefikslari
`excludeExact`	Aynan shu yo'llar xona bo'lmaydi
`hidden`	UI'da yashirilgan xonalar (DevOn o'zi boshqaradi)

Muhit o'zgaruvchilari:

O'zgaruvchi	Ma'nosi
`OFFICE_PORT`	Server porti (default `4777`)
`CLAUDE_CONFIG_DIR`	Claude Code config papkasi, agar u `~/.claude` bo'lmasa
`DEVON_HOME`	O'rnatish papkasi (default `~/.devon`)

Maxfiylik va xavfsizlik

Server faqat 127.0.0.1 da ishlaydi va boshqa host yoki origin'dan kelgan so'rovlarni rad etadi.
Prompt, tool input va tool output hech qachon o'qilmaydi va uzatilmaydi. Tarixdan faqat project va vaqt o'qiladi.
Diskka faqat ~/.devon ichidagi office.config.json, log va jarayon id'si yoziladi.
DevOn'dan ochilgan oynalarga boshqa Claude sessiyasining tokenlari va muhit o'zgaruvchilari o'tmaydi.
Telemetriya ham, akkaunt ham yo'q.

Yangilash va o'chirish

Eng so'nggi versiyani olish:

devon update

DevOn'ni hook bilan birga to'liq olib tashlash:

devon uninstall

Muammolar va yechimlar

Muammo	Yechim
`devon: command not found`	Yangi terminal oynasini oching. Yoki to'g'ridan-to'g'ri ishga tushiring: `~/.devon/bin/devon`
Port band	Boshqa port tanlang: `OFFICE_PORT=4800 devon` (PowerShell: `$env:OFFICE_PORT=4800; devon`)
Ishga tushmayapti	Logni o'qing: `~/.devon/devon.log`
Xonalar ko'rinmayapti	Project papkalaringizni `scanRoots` ga qo'shing, keyin `devon restart`
Claude Code WSL ichida ishlaydi	DevOn'ni ham WSL ichida, macOS / Linux buyrug'i bilan o'rnating
Alpine yoki boshqa musl Linux	Avval paket menejeridan Node.js 20+ o'rnating, keyin o'rnatuvchini ishga tushiring

Versiyalar

DevOn'ning barcha versiyalari, eng yangisi tepada. So'nggi versiyani devon update bilan oling; devon version sizdagi versiyani ko'rsatadi.

v0.2.02026-10-02

Realroq ko'rinish, arxitektura maketi kabi: yumshoq soyalar, shisha devorlar, bosiqroq ranglar va yog'och, metall, shisha, asfalt uchun alohida materiallar.
Odamlar haqiqiy proporsiyada, o'z teri va soch rangi bilan; quyuqroq daraxtlar, g'ildirakli mashinalar, bordyur va kirish soyabonlari.
Yorug'roq tun: daraxtlar, maysa va ko'chalar oy nurida ko'rinib turadi, faol sessiyali xonalarning derazalari yonadi.
Sahnadagi yorliqlar soddalashtirildi.

v0.1.02026-10-02

Birinchi ommaviy versiya.
Claude Code projectlaringizning 3D shaharchasi: xonalar, binolar, lobby, ko'chalar.
Live rejim: ishlayotgan sessiyalar, ishlatilayotgan toollar, subagentlar va ruxsat kutish.
Tong va tun mavzulari; o'zbek, ingliz va rus tillari.
macOS, Linux va Windows uchun bir buyruqli o'rnatish, Node.js avtomatik o'rnatiladi.
devon buyrug'i: start, stop, status, hooks, update, uninstall.
Xona amallari: projectda Claude sessiya, terminal, papka yoki VS Code ochish.

Enterprise

Hozir ishlab chiqilayotgan DevOn Enterprise butun kompaniyangizning Claude Code'dagi ishini bitta jonli xaritada ko'rsatadi va to'liq o'z serverlaringizda ishlaydi.

100% on-premise: kompaniyangizning o'z serverlariga o'rnatiladi. Tarmog'ingizdan tashqariga hech narsa chiqmaydi.
Har bir xodim — alohida mamlakat: kompaniya bitta xarita, har bir xodimning mamlakatida uning binolari va project xonalari turadi.
Xodimlar Claude Code'da nima qilayotgani ko'rinadi: admin kim ishlayotganini, qaysi projectda, qaysi agent va toollar bilan ishlayotganini jonli kuzatadi.
Dashboard va hisobotlar: xodim, jamoa va project bo'yicha haftalik va oylik faollik, eksport qilish mumkin.
Erta kirish: hozir bog'langan jamoalar birinchi bo'lib oladi.

Bepul versiyadagi kabi faqat metadata yig'iladi: prompt, kod, tool input va tool output hech qachon olinmaydi.

Jamoangiz uchun Enterprise qiziqmi? Biz bilan aloqaga chiqing: formani to'ldiring, sizga javob beramiz.

Fikr va takliflar

Muammo topdingizmi yoki g'oyangiz bormi? Bizga yozing. Har bir xabar o'qiladi.